Thoes

 

!!DE SLUMSTE SJANSEMAEKER NUUTS!!

Thoesvraog MAONDJIG!

Aope däör

Vandaag waerdj de vraog gestèldj door ‘nne bekèndje Roggelse miens.

Wae zeuke 4 antjwaorde en eder good antjwaord is 20 puntje waerd!

Gae kèntj eur kènnis van de Sjansemaekers, de vastelaovendj in ’t algemein of ós leef klein aardig dörpke toeane door de antjwaorde op dees vraoge (t/m donderdig hie te vinje) in te steure en mèt te dinge nao dieke prieze en natuerlik iëwige roem in ós Sjansemaekersriek!

Waat mótj gae hieväör doon? Op donderdig, as alle vraoge gewaes zeen, steurtj gae ‘nne mail mèt eur antjwaorde nao deslumstesjansemaeker@gmail.com.

Lèt op! Vermeldj hie bie eure naam en tillefoonnummer en ’t adres of de locatie woea det gae zaoterdig te vinje zeetj. Zeetj gae van alle thoesspelers de slumste, den kome wae uch verrasse mèt geweldjige prieze!

Kiek op 11 December om 20:00 nao de Slumste Sjansemaeker via www.sjansemaekers.nl

 

!! DE SLUMSTE SJANSEMAEKER NUUTS !!

Thoesvraog ZUNJIG!

3-6-9

Normaal gespraoke besteit dees rönj oet 15 vraoge woea bie edere 3e vraog 10 puntje gescoordj kèn waere. Óm uch ’n bietje d’r in te laote kome stèlle wae noe 3 vraoge, eder väör 10 puntj.

  1. Vanaaf 1980 waerdj in Roggel de Boorebroeloft georganiseerdj. Waem vormdje det jaor ’t alleriërste boorebroedspaar?
  2. ’t LVK waerdj al georganiseerdj vanaaf 1977. Mer welke artiest haet dit leedjeskonkoer ’t dökst gewonne?
  3. Waem is de 1e Prins dae in ’t huidige La Rochelle oetgerope is?

Gae kèntj eur kènnis van de Sjansemaekers, de vastelaovendj in ’t algemein of ós leef klein aardig dörpke toeane door de antjwaorde op dees vraoge (t/m donderdig hie te vinje) in te steure en mèt te dinge nao dieke prieze en natuerlik iëwige roem in ós Sjansemaekersriek!

Waat mótj gae hieväör doon? Op donderdig, as alle vraoge gewaes zeen, steurtj gae ‘nne mail mèt eur antjwaorde nao deslumstesjansemaeker@gmail.com.

Lèt op! Vermeldj hie bie eure naam en tillefoonnummer en ’t adres of de locatie woea det gae zaoterdig te vinje zeetj. Zeetj gae van alle thoesspelers de slumste, den kome wae uch verrasse mèt geweldjige prieze!

Kiek op 11 December om 20:00 nao de Slumste Sjansemaeker via www.sjansemaekers.nl

 

 

!!DE SLUMSTE SJANSEMAEKER NUUTS!!

Aanstaondje zaoterdig 11 december presentere wae uch vanoet La Rochelle ‘De Slumste Sjansemaeker’. Zoea-as op aafgeloupe waek gecommuniceerdj kèntj gae via www.sjansemaekers.nl kieke waem De Slumste Sjansemaeker geit waere. Wae beginne óm 20.00 oor dus zorg det gae op tied ingesjakeldj zeetj!

Óm uch in de sjtumming te laote kome en te laote ruuke aan de vraoge die de kandidate kènne verwachte, kome wae dees waek edere daag bie uch mèt vraoge oet ‘n rönj die ouch in De Slumste Sjansemaeker gespeeldj geit waere. En dit is neet väör spek en boeane! Gae kèntj eur kènnis van de Sjansemaekers, de vastelaovendj in ’t algemein of ós leef klein aardig dörpke toeane door de antjwaorde op dees vraoge in te steure en mèt te dinge nao dieke prieze en natuerlik iëwige roem in ós Sjansemaekersriek!

Waat mótj gae hieväör doon? Op donderdig, as alle vraoge gewaes zeen, steurtj gae ‘nne mail mèt eur antjwaorde nao deslumstesjansemaeker@gmail.com.

Lèt op! Vermeldj hie bie eure naam en tillefoonnummer en ’t adres of de locatie woea det gae zaoterdig te vinje zeetj. Zeetj gae van alle thoesspelers de slumste, den kome wae uch verrasse mèt geweldjige prieze!

Zunjig zal de iërste vraog via de Facebook pagina, de website vanne Sjansemaekers en de website www.roggelsketeerke.nl gestèldj waere. Dus wie ze in good Roggels zègke: Stay tuned!

 

!!DE SLUMSTE SJANSEMAEKER NUUTS!!

‘t Geit door….!!”’t Zal toch neet det ouch dit…” NAE..!!!Wae wille uch bie deze mededeile det gae zaoterdigaovendj 11 december kèntj gaon kieke nao de Slumste Sjansemaeker!!‘t Geit dus door!!

Op www.sjansemaekers.nl kumptj eine link woeamèt gae de 11de óm 20:00 rechtstreeks doorgesteurdj waerdj nao ós oetzending…

Dus kouptj uch alvast eine groeatere tillevisie, lègk eine extra wifi kabel aan of sjaftj uch nog snel ein noew bank aan. Testj eur eige kènnis aover de Sjansemaekers en kiek mèt waem de Slumste Sjansemaeker waerdj!

Wae höbbe d’r zin in!

!! DE SLUMSTE SJANSEMAEKER NUUTS!!

De miense die gae in beeldj gaotj zeen höbbe wae de aafgeloupe tied al aan uch väörgestèldj, mer ‘t zal uch neet verbaze det bie zo’n oetzending ein hiëleboel techniek kumptj kieke. Maeters kabel, groeate tillevisiesjerme, vaste camera’s, camera’s op locatie, streame, witbalans & diafragma: allemaol puntje die we in de vergaderinge väörbie höbbe huere kome.

Gelökkig höbbe wae eine hiële enthousiaste groep miense bereid gevonje die ’t technische gedeilte van de oetzending väör häör raekening wille neme. Ouch dees wille wae gaer aan uch vaorstèlle:

Henk Levels – Ruud Kanders – Ruud Brummans – Bas Elshout – Roy Cillekens – Gerard van den Braak – Ron Thijsen & Rick Manders

 

Names ós allemaol alvast eine dieke merci väör eur biedrage!

 

Leef Sjansemaekers en Sjansemaekerinnekes.

Wae wore d’r gans klaor väör om een nuuj seizoen te äöpene en de 68e Prins van de Sjansemaekers oet te rope. Helaas haet de werkelijkheid os weer ingehaoldj en höbbe wae gezeen de huidige situatie, ’t dringendje advies van de gemindje en de nuje corona maatregele van ’t kabinet os doon besloete om de äöpening van t nuje sezoen, ’t Prinsebal en ’t Sjansespaß spektakel oet te stèlle nao jannewarie. We blieve nog efkes op aafstandj verbonje. Blief gezondj en toet in jannewari..

 

!!De SLUMSTE SJANSEMAEKER NUUTS!!

De presentator.
Dao is mer eine dae de Sjlumste Sjansemaeker zooj en zelfs motte kènne presentere en det is natuurlik Philip Freriks. Mer, helaas dörftj hae vanwaege de corona-situatsie in Limburg neet deze kant op te kome. Mer wae dinke ‘nne gooije vervanger hie väör gevonje te höbbe, namelik John Vossen. John zootj gae motte kènne as deilnemer aan de Bontje Aovendje en in 1995 is hae prins gewaesj. Boete de vastelaovendj löptj d’r zunjigs op de voetbalveldje rondj mèt ‘n fluitje in de henj. Dus John mot ’t spelke good kènne leije en dao, woea de kandidate ’t antwoordj neet kènne, zooj John ’t mekkelik motte kènne invulle….
Ozze presentator John Vossen.
 

!!DE SLUMSTE SJANSEMAEKER NUUTS!!

De “Maarten van Rossum”.

Zoeas gae wetj is d’r bie “De Slimste Mens” ouch ‘nne jury en ‘nne betweiter namelik Maarten van Rossum. Ouch bie de Slumste Sjansemaeker höbbe wae dae namelik in de persoean van Hans Custers, baeter bekèndj as Hans van Sjrake. Ederein dae waal ‘ns bie Sjrake kumptj mèt de vastelaovendj kèntj Hans zien pose geleundj taege de däörstiel. Hae helptj den Marleen door de koelkaste bie te vulle, mer zien väörnaamste taak is om alles in de gate te haoje. En det duit d’r mèt verve. Hae zuut en huertj alles en is daorom de allerbeste jury en betweiter in os Sjansemaekersriek.

 

!!DE SLUMSTE SJANSEMAEKER NUUTS!!
 
Vaorstelle kandidaat…Freek Vullers
 
 
De benjamin bie de kandidate is Freek Vullers. Hae mot nog 25 jaor waere. Freek is de zoon van Gerard Vullers en Resi van Rijt en woeantj op ’t Nieke. Freek is natuurlik ouch ‘nne echte vastelaovesveerder, missjien neet alle daag in Roggel. Pap rietj nog ‘ns aaf en toe mèt zien blauw böske op en neer nao Sjaen in Naer, mer wae höbbe Freek toch al ’n paar kiër zeen optraeje mèt ziene sax tiejes ’t optochtmatinee, boorebroelof en natuurlik ’t Joekse Jatse. Mèt ziene vrinjegroep “CV Kaetel” doon ze al jaore mèt aan de optocht, mer om de koste ’n bietje te drökke, gaon ze ouch nao Naer en Egchel.
In zien dagelijks laeve duit d’r, nao zien studie Mechatronica, bekkeriemesjiener teikene en programmere bie WP Haton in Panninge.
Unne topkandidaat, mer ouch de slumste Sjansemaeker?
 

!!DE SLUMSTE SJANSEMAEKER NUUTS!!

Vaorstelle kandidaat…

Kandidaat Jos Cauven

Jos is ‘nne echte Sjansemaeker dae de vastelaovendj op allerlei meneere haet mèt gemaaktj en haet belaefdj. Hae is sjoealeprins gewaestj oppe Moes, haet inne Road van Ellef gezaete, de boorebroelof gepresenteerdj en same mèt Geert Brunen deilgenaome aan ’t SLK (vreuger Leedjesaovendj) en de Bontje Aovendj. Mèt de vastelaovendj zellef sleit d’r geine daag äöver, same op stap mèt zien vrunj.

In ’t dageliks laeve is d’r pap, veteraan bie de SV en echocardiografist in het VieCuri MC te Venlo.

Unne topkandidaat, mer ouch de slumste Sjansemaeker?

 

‼️DE SLUMSTE SJANSEMAEKER NUUTS!!

Vaorstelle kandidaat…. Chantal van Zundert – Schreurs.

Ederein dae mer get mèt de vastelaovendj te doon haet kèn dees kandidate, namelik as presentatriese en muzikant. Vanaaf september begintj väör Chantal de väörbereidinge. MLLF, LVK, “We want maor”, CMC Alaif, jury’s leedjesaovendje, presentatieklusjes, repetere etc. Mèt de vastelaovendj zelf is ze op zaoterdig op t Pleinfestijn in Heitse om te presentere. De zunjig veertj ze zellef bie Briels en op maondjig kiektj ze de optocht woeanao ze de oppe tied nao bed geit väör ’t optraeje op ’t Matinee.

In ’t dageliks laeve is ze mam en intern begeleider baovebouw op SBO Op de tump.

En Chantal’s motto kumptj oet eine regel van ’n nummer van Sjeng & the Gang: “laef en belaef, deil, krieg en gaef!”

Unne topkandidaat, mer ouch de slumste Sjansemaeker?

 

 

 

 

De väörbereidinge zeen begonne!

Zet zaoterdig 11 december 20 oor inne agenda want den kèntj gae allemaol aafstumme op de Slumste Sjansemaeker! De väörbereidinge väör deze livestream in studio La Rochelle zeen aafgeloupe weekend begonne. Bie de iërste repetitie waas d’r nog ‘nne echo-piep door ‘nne audio-loop en haaje we nog ‘nne video-freeze bie de mobiele camera, mer dao gaon we de kómendje tied aan wèrke! De kómendje tied waere ouch de kandidate väörgestèldj en kriegtj gae miër info.

Toet 11 december!

PS: Eventuele tips óm de audio-loop op te losse zeen van herte welkom. We höbbe de optie aafstandsbedeening zeuke, tillevisie zaogter zètte en optie jack plug al geprobeerdj…

 

Film Sjansemaekers

In filmkes en audio kintj gae de film äöver óntstaon naam Sjansemaekers bekieke zoeas ouch al getoeandj mèt de brunch en in de bóntje waek in ós 6×11 jubileumjaor . Mèt dank aan Ruud Geuyen, Huub Alofs en Piet Mooren

AVG verklaring

De Sjansemaekers zijn ook in bezit van een AVG verklaring. Deze is in te zien bij de secretaris.