Thoes
Nuuts van de Sjansemaekers
Op 12 jannewari is, in de Oranjerie in Remunj, John van Bilsen Groeat Limburgs Buuttekampioen gewaore mèt ziene buut “Doe hoofs mer ein hobby te höbbe.”
Dao zeen wae, as CV de Sjansemaekers, óntzettend gruets op.
Daoróm beje wae John ein receptie aan op zunjig 3 miërt 2024.
Dees receptie waerdj gehaoje in La Rochelle, op de Pastoear Hanraetsstraot 7a, in Roggel en begintj óm 14.00 oor en doortj tot 17.00 oor. Wae zoje ’t hiël erg sjoean vinje, as gae op deze middig John koomtj felicitere en same mèt ós wiltj prooste op óze Buuttekampioen.
Oetslaag optocht.
In òngerstaondje link kintj gae de oetslaag van de optocht bekieke die op vastelaovesmaondjig de straote van oos Sjansemaekersriek weer prachtig vuldje.
Vastelaovesnoets van de Sjansemaekers
Jan Heijmans Erelid Sjansemaekers.
Aafgeloupe zunjig 12 november höbbe wae ’t nuje vastelaovessezoen geäöpendj.
Väör det wae dit höbbe gedaon zeen wae iërst bie ’t Prinsehoes gewaestj óm dao aafsjied te neme van Adjudante, Raodsleje en bestuursleje.
Op det moment höbbe wae ouch aafsjied genaome van Jan Heijmans, dae 40 vastelaovessezoene in ’t bestuur haet gezaete van de Sjansemaekers.
Wae as bestuur van CV de Sjansemaekers höbbe Jan op 12 november jl beneumdj tot ERELID van CV de Sjansemaekers.
Deze iër kumptj Jan toe omdet d’r 40 jaor lang mèt ‘nne tomeloze inzèt aan de slaag is gewaestj väör de Roggelse vastelaovendj, en oos vereiniging in ’t biezunjer.
Jan hartstikke bedanktj names alle Sjansemaekers.
Bestuur CV de Sjansemaekers.
Vastelaovesnuuts van de Sjansemaekers
Stan van Heur 69e Prins van CV Sjansemaekers
In ein vol La Rochelle is Zunjig 12 November Stan van Heur as 69e Prins van de Sjansemaekers oetgeroope.
Prins Stan II waerdj biejgestaon door zien vriendin Luka en zien adjudanten, Rick Geuyen, Guus Briels en Paul Vossen. Thijs van Roy haet d’r as nuuj raodslid mètgenaome.
Prins Stan II geit regere mèt ziene spreuk: Niks laote sjete!
Foto’s,
Höbtj gae foto’s(ouch van vastelaovendj vreuger) die gae wèltj deile of väör in ’t archief van CV Sjansemaekers den kintj gae die steure nao fredvandenboogaart@gmail.com
Film Sjansemaekers
In filmkes en audio kintj gae de film äöver òntstaon naam Sjansemaekers bekieke zoea ouch al getoeandj mèt de brunch en in de bòntje waek in òs 6×11 jubileumjaor.
Mèt dank aan Ruud Geuyen, Huub Alofs en Piet Mooren.
AVG Verklaring
De Sjansemaekers zijn ook in het bezit van een AVG verklaring. Deze is in te zien bij de secretaris.