De tied vluugtj en det beteikendj ouch det ’t weer zoea vastelaovendj is…
En waat is ‘nne vastelaovendj zónger sjoean leedjes? Baeter gezagdj: Roggelse leedjes!
Wae zeen dus weer op zeuk nao nachtegaaltjes die gaon väör, misjien waal, ’t bèste Roggelse vastelaovesleedje van 2025
Waat verwachte wae van dich/eure groep:
sjrief dich in via: slkroggel@hotmail.com zeuk ein melodie oet (groeate väörkäör geit oet nao ‘n melodie woea al ‘n karaoke versie van is. Tips väör ’t zeuke van ‘n karaoke versie zölle wae nog deile) steur dees melodie z.s.m. door nao slkroggel@hotmail.com of app ’t efkes door aan ein van de commissieleeje maak ein sjoean tekst op dees melodie neem dien leedje op inne studio bie Len David. De opnames zölle plaatsvinje in november of december, dit waerdj uiteraard in äöverlègk mèt uch geplandj
Datum SLK 2025: 18 jannewarie
Wae haope d’r weer ein good gevöldj programma van te make, den waerdj ’t vanzelf fiëst