Leef Sjansemaekers en Sjansemaekerinnekes en anger vastelaovesveerders,
Dit jaor zal op vastelaovesmaondjig, 16 fibrewarie 2026, de optocht weer door ’t dörp trèkke. Al jaore genete wae in ós leef klein aardig dörpke van ‘nne sjoeane optocht.
Gae kèntj uch noe alvast opgaeve via óngerstaondje link, zoeadet wae alvast ‘n sjoean verdeiling kènne make van deilnemers inne optocht. Lèt good op:
As gae uch väöraaf al opgaeftj, den mótj gae waal nog uch nummer op kome haole op vastelaoveszaoterdig in ’t prinsehoes (Café Tonvannebekker), tösse 11.00 en 13.00 oor.
Hie kèntj gae uch ouch nog opgaeve, as gae dit neet van te väöre gedaon höbtj.
Op de aanmeldpagina steit ouch ’t optochtregelement. Laes dit good door, d’r zeen get wiezigingen ten opzichte van väörig jaor.