Aafgeloupe zunjig 17 november höbbe wae ’t nuje vastelaovessezoen geäöpendj. Väör det wae dit höbbe gedaon zeen wae iërst bie ’t Prinsehoes gewaestj óm dao aafsjied te neme van raodsleje en bestuursleje. Op det moment höbbe wae ouch aafsjied genaome van Wil Erdkamp, dae 31 vastelaovessezoene in ’t bestuur haet gezaete van de Sjansemaekers. Wae as bestuur van CV de Sjansemaekers höbbe Wil op 17 november jl. beneumdj tot ERELID van CV de Sjansemaekers.
Daonaeve höbbe wae een delegatie oetgenuedigdj vanne BCL óm Wil te óngersjeije tot lid in de Orde van Verdienste.
Al deze iër kumptj Wil toe omdet d’r al die jaore mèt ‘nne tomeloze inzèt aan de slaag is gewaestj väör de Roggelse vastelaovendj en òs vereiniging in ’t biezunjer.
Wil, hertstikke bedanktj names alle Sjansemaekers!
Bestuur CV de Sjansemaekers.
