Momenteel wordt er aan een nieuwe website gewerkt. Voor meer info kunt u een e-mail sturen naar: sjansemaekers@gmail.com
Namens Prins Stan II…
Leef miense, Sjansemaekers en Sjansemaekerinnekes,
Wie geweljig waas ’t om de aafgeloupe vastelaovendj väöop te moge gaon as 69ste Prins vanne Sjansemaekers. In oos Leef Klein Aardig Dörpke höbtj gae, Roggelse miense, laote zeen waat echt vastelaovendj vere is! Van jongk toet aod, van sjoeale vastelaovendj toet seniore bontje middig, haet dit dörp laote zeen det ze niks woje laote sjete.
’t Waas äöveral volle bak, en auch volle bak fiëst. Geweljig om te zeen en dao van te genete. Hertelijk dank aan ederein dae dichtbie mich stong deze vastelaovendj; in ’t bezunjer Luka, mien adjudante, de dames en de wichter. Zeker auch Jeugdprins Raf, we höbbe same gaas gegaeve, auch oppe Sjans!
Natuurlijk ‘nne dieke merci aan de vastelaovesvereniging, de raod, La Rochelle en alle keffees die de vastelaovendj in Roggel same make. Eder keffee zien eige belaeving, sjoean om det alweer zoea te ervare.
@Jos, ’t waas ein iër om bie dich mien Prinsehoes te höbbe. Doe stongs d’r väör os, wae veuldje os bie dich zoea wie altied thoes. Danke!
De vastelaovendj in Roggel laeftj en dae mot blieve laeve. Zoeadet oos wichter äöver ein paar jaor nog steeds taegenein toete det ze… NIKS LAOTE SJETE! Danktj uch allemaol!